الطموح

يا سكة الليل : ضيقك مثل ضيق اللحد
لا تردعين القوافي … لا نفتح بابها

غني همومك وهم السبت مثل الاحد
ما تفرق الا بشوف وجمعت احبابها

لا يزعلك مد وافي …لا وفى …ونجحد
حتى الصقور ابتلت والسبّه اغرابها

ان عشت في عز ما برجي غناتي لحد
وان مت … كم ناس قبلي قفت اركابها

مالله خلقني غشيم … ولا قليّل جهد
حتى نساوي … نواصيها مع اذنابها

كنا نخيل الطموح ، اللي ( يعمّر ) بلد
ونقول بكره … بيثمر غصن عنابها

لكن اشوفه مذوّي يا صحيبي سعد
ادنى طموحه يقل اعشاش تبنا بها

كرامت الرجل تغلا … ما بترخص لحد
وكرامة اللاش …محدٍ حاسب احسابها

#فهد__المنصوري