قصيدة 3 / 1 / 2002

واحد / ثلاثه / أربعه / خمسه / اثنين
غلط / غلط ... تعال رتب معايه !!!

واحد / ثلاثه / اربعه / واحد / الفين
بعد غلط ارجع معي من البدايه

طيب .. ثلاثه / واحد / الفين واثنين
أيوه .. كذا .. توك عرفت الحكايه

قلت : الحكايه .. ايش ؟ قال انت مسكين
مالك على بعض السوالف درايه

قلت : اتغلط ؟ قال العفو .. قلت : اجل مين ؟
قال : احلف انك ماتسولف ورايه

قلت : انت ناوي شين .. أو ناويٍ زين ؟؟
قال : الله اللي عالمٍ في خفااايه

قلت : انت عندك ( سر ) ( عقل المجانين )
الله يستر منك قال : انت تايه

تذكر هذاك .. اللي بنى السور بالصين ؟؟
مثله تراي .. ابني القصيده بناااايه

قلت : انت شاعر ؟؟ قال : من عشرة سنين
قلت : اثبت اللي قلت .. أو هات آآيه

قال : اسمع اسمع .. عين .. ياليل .. ياعين
يبو عبايه .. أوووووووف .. يبو عبايه

يبو عباااايه ليه ؟؟؟ ظنك .. بنا شين
يبو عبايه .. ليه ؟؟؟ تكسب خطاااااايه

لين أنتهى .. صفقتله .. قلت بيتين
تسوالها .. ( ديوان ) وأطول ( روااااايه )