الوجه البديل

الخيال وضيق بالي.والزمان ومظهره
والنجوم الساريه.والهم.والليل الطويل

والسكون.احيان في دنيا العنا.والمصخره
يستفز الروح واسهر معك..يالوجه البديل

مانثرت العود الازرق واحتضنت المبخره
ولا لبست الثوب بالمقلوب وارخصت العميل

قبح الله وجه.من بدل بوجهه.واظهره
بالصباح اصبح عدو.وبالمسا . امسا . خليل

يحسب ان الناس تجهل فيه من قصر انظره
شوفته بقدام رجله مارقت هام النخيل

والسوالف بين اهلها عدها فيه اثمره
والمثل معروف عند الناس مايخدم بخيل

ناكر المعروف. شين العرف.ماهز اشعره
لو بغاني مايميل القلب يمه مايميل

يرتدي ذل القناع وغيرته غيرت مره
هام في برق السحاب وموقعه نفوالمسيل

مايطول الطايله لو هام صدره.وانحره
النعام ايطيرمن فعل الطبيعه مستحيل

اقهره. بااللي عن الطيب. ذله وقهره
ناكر المعروف شين العرف مقلوب الشليل