تراني الي واقف(ن) في مراسيك

ياليت موتي ينتهي بين اياديك
ان كان هذا منوتك يا هناتي

اطلب تمنى كل شي (ن) بياتيك
لجلك ترى يازين مرهن حياتي

قدمت نفسي لك وانا هايم(ن) فيك
ما عاد همت عيشتي من وفاتي

كل شي عطيتك ترفضه كيف اراضيك
قتلت ضحكه عايشه في شفاتي

رديت مرسول الوفى قبل يعطيك
مضمون حب(ن) عايشه فيه ذاتي

اقسم يميني ماتمنت تجافيك
غلطة ولا ادري بان فيها عزاتي

سهرت بيامي وانا في حراويك
حرام جفني ماتلذذ مباتي

تعبت انادي يا حبيبي خطاويك
جف اللسان وجف منبت لهاتي

تراني الي واقف(ن) في مراسيك
انظر قدومك وانظر الموت ياتي