العذر الخجول - بدرعبدالهادي المفضلي

ادور لي عذر مقنع لعلّي
اذا قفيت دمعي مايهلّي

واكون اقوى على بعد الولايف
واشد القلب حتى مايذلّي

بعيد ارحل لاجل مسمع لصوته
اخاف ليا دعاني جيت كلّي

اعرف القلب ماهو حمل فرقا
واعرف العقل مخطورٍ يشلّي

واعرف الروح مفتونه بفاتن
واعرفه خطِر بغيابه تسلّي

واعرف اني بلا قربه اوصله
بقايا انسان من دنياه ملّي

فقد نوره بضلما الكون وامساء
بدرب العمر تايه مايدلّي

غريبٍ في وسط دنيا غريبه
فلا صدرٍ حنون ولا مهلّي

ولا له غير شعره والدفاتر
وبقايا ماضيٍ عنّه مولّي

حبر وحروف واقلامٍ وصوره
ونقشٍ لو رحل غيره يظلّي

وطيفٍ لاغشاه النوم زاره
ويرحل قبل هتانه يبلّي

وعذرٍ كل ماينوي يسوقه
يقول العذر ويش اقول قلّي

لقى عذره يبي من يعتذر له
خجل ماهو عناد ولا تغلّي

وقصة حب ماكملة فصوله
ولغزٍ يستحيل انه يحلّي

© 2024 - موقع الشعر