يا هلا بالشعر واحساس احتضاري

يا هلا بالشعر واحساس احتضاري
بالكلام اللّي جذبني في حنينه

خابرك يا محزمي ندّ الصواري
تلطم الاحزان بيدينن متينه

والحنين اللّي يهيّض كل طاري
العنه والعن ثواه و و الدينه

كل شيءٍ كان من حولي صحاري
وكل خطوه كانت ارخص من ثمينه

لجل غالي تهت و اتعبني مساري
لكن الله ما يخيّب طالبينه

والبنادم للتعب يوم انت داري
الصبر مفتاح للعبد وعوينه

كلّنا للّه وللّه إنتظاري
ورزقنا مقسوم ياتينا بحينه

وان بدر منّي خطا جاك اعتذاري
يسبق أبياتٍ لجت منّي حزينه

كل بيتٍ قد كتبته بإقتداري
ما تفنّنت الشعر لجل استعينه

لحن غنّته الطبيعه و القماري
بالجروح الساهيات المستكينه

والصلاة على النبي محيي البراري
هادي الأمّه على درب السكينه