بنت الحمايل كلها دم واحساس - اسيرة الصمت

بنت الحمايل كلها دم وإحساس
لاعاش راس الجاهل اللي دفنها

هي درة ما جابها كل غطاس
ومن لايعرف الدر يرخص ثمنها

منهو يساومني عليها من الناس
منهو بسجنه قد تجرأ وسجنها

هو ما درى انها حرة ترفع الراس
ماترضى غير العز لو هو كفنها

حرة أصيله مرهفة طيبة ساس
عقل وجنون الكون كله سكنها

لاتظن تشريها بحبر وقرطاس
لا والذي بعيون خلقه فتنها

هذي تراها اللي حمى صعب ينداس
اللي مشارف نجد أصلا وطنها

بنت العروبة رمز فخر ونوماس
بمليون راس وراس لو تمتحنها

© 2023 - موقع الشعر