الشعر

الشعر يا سامع ترى عدّة بحور
وانا تمثنيت البحور العميقه

أرتب القيفان طابور طابور
ما همّني كثر البحور المعيقه

شاعر وأجاريها على كل السطور
وما همّني شيءي يعيق الطريقه

شوف السما يا صاحبي كلها طْيور
وشوف الغلا بين الشقيق وشقيقه

عادي ترى ما أثْرّت كلمة الشور
لازم تدل اللي يضيّع طريقه

ولازم تجيب اللي على الحق مذكور
هذا كتاب اللّه فيه الحقيقه

شيءي أمام الناس تلقاه منشور
وشيءي على الأنظار مثل الحديقه

مرّه بها شوكي ومرّه بها زْهور
ومرّه تشوف اطرافها بالحريقة

ولا تلتفت للّي يسولف ورا السور
خله يسولف يا عسى بلْ ريقه

لأنه ترى كتلة جسد ما به شْعور
من الحسد يا صاحبي والحميقه

مرّه يغطيها الحيا مرّه سفور
ومرّه تجيك مْن القفا مستفيقه

دوّر لها علاجي ترى أنت دكتور
من فلسفة فكرك تهون المضيقه

رجلي على خوّته ماني ب مجبور
غيره بتلقى من كثار الخليقه

ربك يا سبحانه جعل يوم وشهور
حتى تشوف ان الغلط ما تطيقه

بيت الحيا أليا بنيته على دور
من الكلام الذرب أنت الوثيقه

درب المراجل من يدّله على نور
ودرب الرخامه نعنبو من يطيقه