يالجوهر المكنون يالدر يالماس
يالعملة الصعبة ويحلى سنيني
فيك الأدب والذوق مبني على ساس
وفيك الحسن طاغي وعقلٍ رزيني
أسقيتني بالحب كاسٍ ورى كاس
وذوّبت قلبٍ ماهقيته يليني
غديت مثل اللي على كف حبّاس
يبغى المطير وجوّده باليديني
قربك غناتي يا بعد كل هالناس
وإن غبت عن عيني تزايد حنيني
منزلك في عيني وقدرك على الراس
وبين الحنايا ساس حبك متيني
لا تلتفت واحذر سواليف الأنجاس
اللي هدفها البعد بينك وبيني
( احذر ) وصية حطها بين الأقواس
لا تستمع لأهل الحسد يا ظنيني
فوّحت لك دلة على حر الأنفاس
اقلط وخذ فنجال يا نور عيني
دلة مشاعر تحتوي صدق الاحساس
وفنجالها عمرٍ تسوقه يميني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.