نــور المســـا

جاء يبشرنا البشير ولا نسى
يوم لاح من السماء فرح(ن)يخيل

قلتها مبروك يا نور المسا
قلتها وطارت فراشات الاصيل

وأزهرت كف(ن) على حد الأسى
وغرد العصفور في صبح(ن)وليل

يوم هيفاء حظها عنده رسى
قام حظ سعود له صوت وصهيل

يا الله يا خالق بنا لين وقسى
تسعد قلوب(ن)بها حب(ن)جليل

جيت يا هيفاء وانا ادعيلك عسى
يجمعك ربي معه عمر(ن) طويل

ويجعل افراحك على الدنيا كسى
ويسعدك ربي مع اللي لك حليل

19 – 7 – 1435 ه