ختم الجودة

لـ فالح فرج القحطاني، ، في غير مصنف، آخر تحديث

ختم الجودة - فالح فرج القحطاني

يا هاجسي معاد منها صده
ياللي تجيب العلم مني رده

يا خيل التوحيد أنا بن عاطف
لا بو ضعيف النفس لا بو جده

ماني بمن يمشي بدبرة غيره
اللي يسير بود ما هو وده

اللي من أصدوف الزمان وجوره
بان الكلف في عيونه المسودة

ولا ني بمثل اللي يشوت الكورة
ولا يصد الهجمة المرتدة

أن قلت ما يدري فهو ما يدري
وأن قلت مشاها على ما بده

ولا ني بمن يضحك وهو يضحك به
اللي كشفت سود الليالي سده

اللي يدرجها مع خلق الله
ما يدري آن صلف الهبايب ضده

ولا ني بمثل قعيد الرحالة
اللي مع الصفرة ثعا في بده

اللي يمولها على مواله
قد المهمة والمهمة قده

ولا ني بمثل التاجر المتفرنك
اللي فقارئ الحظ ترجي مده

اللي موانئه ليا من طبت
ميناء الملك عبد العزيز بجده

في كل صنف تشوف ختم الجودة
والضاهر ان ما فيه تاجر نده

لكن يا ليته ينتبه لمواله
قبل يصير الطق وسط البده

© 2024 - موقع الشعر