ياطول دربي ذا المساء ياطوله
يالله تيسر ماصعب يارب
قصدي ديار المهره الهذلوله
اللي لها صافي الهوى والحب
اللي عليها وجنتي مبلوله
دمعٍ يسيل من الاسى والصب
راعة قرونٍ لاغدت منثوله
كالسيل يلمع فالصفاء لاصب
واثمانها عقدٍ تلالا لوله
اللي نقاه اللي يغوص الغب
تمشي مثل ذيك المها المذهوله
ترتاع من ريح الهوى لاهب
راحت ولا ادري هجرها وشهوله
مدري جفاء ولا ان عاذل سب
خلت بقلبي نارها مشغوله
نار ابدويٍ جمرها مشتب
ضامي وقد عام ولا حوله
والارض قيض ومالقيت المشرب
لا وهني من حاجتة محلوله-
ماهو بمثلي من جروحه يطرب
يعشق مناه وياصله ويطوله
في مد شوفه ماعليه اتحجب
يا بو عبير ان كان شفته زوله
قله حبيبك تايهٍ وتغرب
درب الهوى في *خاط• لا رحتو له
تلقاه في ذيك المحاني يلعب
ظبيٍ عليه من البنارد خوله
تعرفه من بين الظباء لاجنب
عنق وعفاف وتعرفه من طوله
من قل حاله فوق هبه يركب
قله طلبتك هجرهم وشهو له
كانه جفاء ولا ان عاذل سب
وان كان عزم عالهجر قولوله
فداه ظيمي وش عليه اباتعب
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.