الرجم الأسمر

لـ ، ، في الغزل والوصف، آخر تحديث :

المنسابة: قصيدة القيتها في زفاف أخي الاستاذ / عبدالرحمن سعيد العمري

الله يانوٍ..! على الرجم الاسمر1
تهوي ولامثله في الأرض بنيان
آراه من ثربان شامخ موقر
عالي يعانق غيم من قمتة بان
الله يا محلا من أرياه منظر
وادي حجالة والسليل وسفيان
به منبعٍ طاهر كما الشهد وأطهر
كم ضاميٍ من نبع لاعطاف رويان
والنحل يرعي من على الورد لاصفر
والطير فوق السدر يشجي وطربان
تهوي هوى من دونه الوصف يقصر
راسي على ماهو على مر لازمان
به من زمان الوقت مجدٍ تسطر
حلوه شجعانٍ ورؤسٍ وفرسان
بني عمر اللي بناهم معمر
فوق المعالي بالمعالي لهم شان
وبني شهر عزٍ ولامنهم أشهر
بني شهر للجود والطيب عنوان
وسلام ياسلمان عسى لك النصر
على عدو الله على كل خوان
وسلام ياجيشٍ على الحد يقهر
عدونا ذا زاد ظلمٍ وطغيان
وسلام يامحمد بك الحق يظهر
بك ياصليب الرأس ياولد سلمان
في دارنا نرخص دمانا وننذر
من دونها لا أشتد ذا الوقت شجعان
والشعر بوحٍ للمجاريح عبر
عن مابهم من جرحٍ وفرح وأحزان
والشعر عزٍ في الميادين يذكر
يصدح به الشعار في كل ميدان
والشعر طب اللي فؤادة تعكر
والشعر فكرٍ له له مقامٍ وعرفان
والشعر وصفٍ ظبي ريمان لامر
نكتبة في عينٍ عليها الكحل بان
ولا الشعر يحتار لاقلته الشعر
في سيدي وأخوي في عبد الرحمن
بسم الله الرحمن والله أكبر
تختال في بشتك وتفرح وتزدان
جينا وبوك أكرم ورحب وشمر
وذي عادة الرجال لاجاه ضفيان
في مجلسٍ لا ضيقةٍ به ولا شر
الله جمعنا جل هو عالي الشان
البارحه ياخوي من ساعة العصر
مدري وش أكتب فيك ياخوك حيران
خاط الهوى والعشق والحالي المر
للحب فيها والمواعيد شفقان
كنا صغارٍ ماهقينا بنكبر
نطرد فراش الزهر في كل بستان
في خاط كنا لا دنى الليل نسهر
على لحونٍ الليل والأنس والدان
فيها بدينا العمر غير افلح العمر
لين انتهت لأحلام والحظ مازان
وفي خاط لو بوصف بها ناحل الخصر
طاهر ومزيونٍ ويخجل وفتان
وثربان فعل أرجال كم فيهم أفخر
وثربان أهل مجدٍ وثربان ثربان
وثربان دون الدار من دون ذا القصر
والقصر عالي دايم الدوم ينصان
وادي يبه اللي به الورد يسحر
وعبير وردة لا أنثنى فوق لاغصان
منه الهوى في وسط صدري تنثر
كني على الرجوى في القيض ضميان
ياخوي شان الوقت والحظ لاقشر
ولولا الصبر ياخوي ماعاش لأنسان
اللي هوته النفس نياتة الغدر
ماكنت أحسبه بعد ذا الود خوان
ماهمني لو راح وأن كان يقدر
لابد مايرجع يبي العذر ندمان
يهجروانا بهجر ترا الهجر بالهجر
لاني انا غلطان ولاهو بغلطان
وصلو على اللي شافعٍ ساعة الحشر
في ساعة تحسب موازين لانسان
وأدعو لسمان العروبة في النصر
على عدو الله على كل خوان

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر