غرسة الحرار - ساره بنت فهد بن جلوي ال سعود

تبي تعرف حقية مبادي غرسة الأحرار ؟
تبي تعرف مداها في دروب العز جاريها
تعيش الشرع والسنة ذكرها ما عليه غبار
سواليف العصور اللي مضت تظر معانيها
تصوت العشرة الحلوة ويا ويله من لعب بالنار
تقدس من وفاء طبعه وله ترخص ثوانيها
حباها معطي النعمة ثقافة مع فخر وأكبار
قلايد جيدها جل المعاني من يماريها ؟؟؟
ترحب بالضيوف اللي تعنوا خادمة للجار
كريمة من كرم رب العباد وحلو طاريها
خفوق تحضنه معني عظيم ما لمسه قمار
ثوانيها سلام الود وشفت الود غاشيها
لها في صفحة التاريخ مواقف تسعد الأخيار
ولها بين النساء ميزة تقدس صدق ما ضيها
جمال الهمس وسلوبه يضيع بقولها يحتار
تمادا كل زين في نواظرها محليها
تعشق العشق وتصونه تحضنه روعة الأزهار
وتطيع المغرم اللي بالوفاء والطيب باغيها
حليل بسنة الخالق يغمره فيضها الهدار
تحفظ اللي عطاها خافقه دايم مناديها
وتذكر جاهل المعنى ترا جرح الكرامه عار
تضيع ارواح بسباب الجهل بالك تعاديها
لها قلب حنون و لكن لو جرح جبار
وبها رقة نسيم الصبح لمخلص دوم مدنيها
تميز قلت لك باكثر صفات وعطفها مدرار
وتوجع من تمادا بالغدر ووجع حراويها
عزيزة وبتواضعها تخضع لمن عنى لدار
رقيقة رقة بالورد تلحفها وتكسيها
وتصير اللبوة اللي ترتجف للثار
تصيبه وبمخالبها تصيبه في مساريها
وترا ذكر آل سعود بدمها هو سيفها البتار
بعيدة مع نجوم بالسماء وااااسعد شاريها
تلحف سنة الخالق ولا تخشى حسودا غااار
تضم بجوفها خوف الكريم اللي مباريها
© 2024 - موقع الشعر