من يجلب السلعه على غيرسوقها
لابد ماطعم المراره يذوقها
ومن لايثمن ماعرف غالي الثمن
ومن قال اعوق الناس يحداه عوقها
ومن قال بالميدان معثور سابقي
يطلع عليه من الاصايل سبوقها
ومن لاحسب للكلمه اللي بدابها
ياما تشال الروس من منطوقها
بطن البسيطه ياسع اللي فوقها
والله بصير اللي تحتها وفوقها
ماقول نفسي عن خطاها معصومه
ادرا الخطأ ياللي شربت مروقها
عن لازمي والواجبه مااتذرا
ياساهجين الواجبه وحقوقها
قلته ولي بالعرف ناس وعلاقه
علاقة ماغرني معلوقها
أنا حفيد اهل الكرم والمكارم
ربعٍ كما شمس تبين شروقها
ربعي مزينه حيها وحي ذكرها
يوم اليدين تبور دون حلوقها
دفانة الركبه نهار الملاقا
منهم تنوح العاشقه معشوقها
للي يكيل المد بالصاع ردها
وترعى الحمى وتحمى مراتع نوقها
وباق القبايل مايغطى نورها
يوم انها تصفا وتشين طروقها
كل ابلج من دون حقه ينابي
رجله على العليا عزومه تسوقها
قبايل فيها من الطيب حقها
يوم السنوع تقل عنها ووفوقها
افعالها تخلد معي الحي ذكرها
فخرالفروع الناميات عروقها
وتمت عسى ماداربالفكر ذوقه
يلوق لاهل الصنف واكسب ذوقها
والاالسلع من جابها لغيرسوقها
لابد ماطعم المراره يذوقها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.