ترحيبية بإسم محمد احمد الحربي - رائد العالي

مرحبا ترحيب تقدير وكرامه
والشحم والعود الازرق من بعدها

مرحبا باهل المكارم والشهامه
الرجال اللي تشرف من قصدها

قالها الحربي محمد في كلامه
كلمةٍ تسوى كنوز اللي رصدها

في محلٍ بالوفا ثابت نظامه
الكرامه من يقدمها وجدها

الفخر تشريفكم ياهل الزعامه
ليلةٍ لحضوركم نرقب وعدها

الوفا لفعولكم رمز وعلامه
شيمة الطيّب وشرواكم حصدها

كل رجلٍ حسب فعله له مقامه
قمة الامجاد ماكلٍ صعدها

يتعب الرجال ويحقق مرامه
والحرار تبين في ساعة هددها

حي منهو صار شرواكم حزامه
في الشدايد كل مازادت عقدها

مرحبا في مطلع القاف وختامه
التراحيب الكثيره في عددها

© 2024 - موقع الشعر