حروف الحب

نويت اكتب حروف الحب فيها قصة احبابي
واعنونها بعنواني حبيبن فاقد احبابه

رسمت الحب في قلبي وطيف الخل ماغابي
خياله يوحي الفكره وقلبي يكتب اخطابه

صروف الوقت تلعب به وهو مالحب منصابي
قريت الحزن في عينه ورمح الحب قد صابه

وحبه من طرف واحد وجرح الحب ما طابي
صبر عالجرح واسبابه وغطى الجرح بثيابه

يشيل الحمل ويحطه ودمعه كان مسابي
تشوف الموت بأعيونه ولا يشكي على اقرابه

شباب ومن عنا حبه تشوف الراس قد شابي
يقول الهم عذبني وانا وش لون ابا احيابه

يدور درب محبوبه وينشد بين الاغرابي
يقول اش فيه يا عالم علينا طول اغيابه

قريت الهرجه من عينه وانا ما جيت بأعتابي
وهو ينكر مساويها كما اللى عاش في غابه

وقال الحب متكافي وهذا النص بكتابي
وهو بالحب جاوبني وجاب النص بكتابه

ضحكت وقلت يالغالي معاك القلب قد ذابي
كلامك فيه ميلاتي وكن الصدق ما جابه