في عينة دمي لقوا لاسمك حروف - سعد الحويماني

اركد ..وصبرك ..وانتظر عندي ظروف
اعذار من عندك تعكر مزاجي

الى متى دونك مقادير وصدوف؟؟
صابر 3 سنين دون انفراجي

الى متى حبي وحبك على خوف
الى متى باسهر عشانك و اناجي؟!!

كني ضريرٍ فاقدٍ نعمة الشوف
مافاد فيه الطب باية علاجي

ولا ضعيفٍ مافعل فيه معروف
اقرب قريبٍ له سقاه الهماجي

اشكي وانا صادق محبتك يانوف
زاد الوله فالقلب والهم لاجي

الهم مثل الذيب ويحوفني حوف
مامنه فكه لو بغيت الخراجي

الا بوصلٍ بين الاحباب مكشوف
على النقا للناس فيه انتهاجي

ياحبي اللي ساكنٍ باوسط الجوف
يامنوتي ياغايتي واحتياجي

في عينة دمي لقوا لاسمك حروف
وفي كل جسمي صار لاسمك رواجي

ردي طلبتك واكسبي في معروف
يكفي ثلاث سنين جوي عجاجي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر