حالة الجو - سعيدبن يحيى الزهراني

بلينا بجون تقلب مزاجه
وبثن مع الجو في ارتجاج

يسمى ويبدأ يرتب دِراجه
فصولن غريبه بحسب المزاج

اذا الشمس بانت توهج وهاجه
بدا بالخريف او مع الصيف هاج

واذا الشمس زالت ركد من هياجه
هدا واعتدل في سياق الدراج

لهيب الحراره على النار صاجه
بلحظه عبوره مع الازدواج

يغيب النهار وخلع منه تاجه
ويتلاه ليلن بدون اي تاج

شديد البروده ومنه ارتجاجه
هبوبه شديده تعم الفجاج

يحير اللبيب او يدور خراجه
كأنه غريقن يأس مالخراج

كما اللى بظلمه يوقد سراجه
ولاضاح دربه بنور السراج

تشوف الشراره عليها عجاجه
ويطفي سناها شديد العجاج

تمنى دفاها بأشد احتياجه
لقلبه ونينن يذيع احتجاج

وجون فصوله تزايد حراجه
ومن زاد زوده كسب ياحراج

يربع وصيفه يزيل ابتهاجه
يقول الشتا ماله اي ابتهاج

وبث الهواتف غدا به لجاجه
مع الجو صفوه سريع اللجاج

شكيت المضاضه وانا وسط فاجه
وقلبي عليلن يدور علاج

حقيقة رواها تأجج اجاجه
بناره لهيبن يشب العواج

بدينا برحله بها الفكر واجه
علومن عظيمه وللعلم حاج

مع البحث في طيش كدس هماجه
وكاس الجهاله طفح بالهماج

الاولى خطيه ومنها انزعاجه
وضيفن مع ابليس جاب انزعاج

والا خر بحقده يعقد حجاجه
وزاده بها وقت خلف السياج

وجاني الممثل بثوب الخواجه
يقول استمع لي وهو به دواج

انا اللى ابتكر علم داخل كراجه
وعندي استطاعه افض الزجاج

رمى له زمانه قماشن دباجه
وبابه ردمته ولا فيه راج

وبعده لفاني امير السذاجه
غريب الديار وحمل عود عاج

سمع بالكرم وابتدى لي زلاجه
وقوله دليلن بكثر الزلاج

لضيفه يمثل عظيم انزعاجه
ومن مال ضيفه عشاهم دجاج

اموره مريبه وطبعه كلاجه
جميع الخبايث مزجها امتزاج

خساره علينا زرعنا الحداجه
وياكم من الخُسربعد الحداج

فلا لي معادي من البعد اواجه
ولكن صديقن من الهم ساج

تذكرت خيلي وربطة سراجه
كماله جماله وللحسن تاج

وغبني عاللى فضحه اعوجاجه
رسم ود واقفى بلمح الحجاج

بكفي حملة وقصدي علاجه
بظني صويبن بحاجة علاج

وهو داب خبثن ولج في ملاجه
بنابه سمومن وتقطر لزاج

بغفله غدر بي وبين نهاجه
وسمه بدمي كما الملح اجُاج

تعمد لسمه بدمي اندماجه
دخيلك وش الطب بعد اندماج

© 2024 - موقع الشعر