خيال وحقيقه

مرت وشبت بالقلوب الحرايق
بنت حلاها الغض موت وحريقه

طرقاً عليها الزين رايق ولايق
من شافها مخطور يشرق بريقه

ماست بقد من طغا الحسن مايق
بين الغصون اللينات الرشيقه

راحت تثنى فوق عشب الحدايق
من زينها غرت ورود الحديقه

يلفها عطر الأرواح شايق
نفحة عبيرة روحت كل ضيقه

حورية سبحان رب الخلايق
اللي جعل منها خيال وحقيقه

مدت شركها للقلوب الشفايق
وشالت لباب القلب معها عليقه

تضحك ويكشف من لماها شعايق
برق الموزون المرعدات الغريقه

يالله عسى الآمال تصبح حقايق
ونشوف الأيام حل وطريقه