دخيل صوتك .. - ماجد الحجري

قلت أتصل فيك لجل أشتت نْعاسك
و مع الصباح أبتدي يومي بأحبابي..

وأثرك تقطع جذور العقل في فاسك
لأني معك كلما في هالفكر غابي ..

دخيل صوتك انا يا دوووب متماسك
خف الدلع قبل ما تفقدني أعصابي..

أو .. إبععد الفون عن فمك وانفاسك
قبل أنفضح من هروجك عند أقرابي..

صحيح صوت المُحب لامن لفى حاسِك
ما عاد تدري لو إنك صرت منصابي..

ظني : مثيل الخمر لامن ثقل راسك
مع إني عن خمرهم أبعدت مركابي ..

لنِّك لي الخمر في صوتك واحساسك
و أشوفك اللي بتفقد عقل الأعرابي ..

عليك أدمنت و ماا مليت من كاسك
و بشْربك لين العمر يفنى و ينعابي ..

خوذيني أقرب لصدرك من دفا لباسك
و أبقى لك أقرب من عيوني لأهدابي..

ولبيه لك كلك إمن أعلاك لااا ساسك
وعندك يهوون التعب لو تنوي إتعابي..

© 2024 - موقع الشعر