يادخيل الله وعزمك عرفنا مايلين
بكرةٍ من خيرة الذود تثبت علمنا
ادحم بها يالظهيري جموعٍ حاضرين
وواحد" ينوي بنا وان جهد ماهمنا
اقدم بشعلٍ" تشوش عيون الناظرين
ماخذيناه باجارٍ عليها وسمنا
في مفالي ذودنا من عصور الاولين
مافرح فيها عدو والمكاسب سلمنا
يوم حقك مايجي غير بالسيف السنين
دونها ودون الموارد مهرها دمنا
فالصياهد ماشحنا الخواطر لو تشين
ناخذ الاول عوايد وصارت قسمنا
فالمنصة واللجان مع كبار المعجبين
تفهق جموع تبينا ولاهي يمنا
أعرضو شيعلان نجد" ونادو المسعفين
والله إن الموت سم" يسمى سمنا
ياالسهول الله جمعكم على حبل"متين
كل عام" فالمزاين يشاد بعزمنا
وياسعد مبلي" ينادي ولا له من عوين
لانخانا لاجل عينه نسينا حلمنا
نصرة المظيوم لامن زهمنا له يقين
كم مهيب" عقب زوده شكى من ظلمنا
والنظر ناصر وناصر على الواقع يبين
ارهج الميدان ماهمنا من نمنا
لادخلنا الشوط الاول لنا متيقنين
في رهاوه ماعقدنا عليها كمنا
لاعرضت حداره ارخت متون الصاملين
مالها منافس ولاحدٍ شرب من جمنا
مفرحه جمهورها مزعله للحاسدين
وانت يآلاد الظهيري فرحكم عمنا
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.