دخيل الشعر

لـ قهر يزيد، ، في غير مُحدد

دخيل الشعر - قهر يزيد

دخيل الشعر وعيون القوافي لايكحلها
بسمّ الكذب والتزييف يكحلها ويعميها

ليا فاتت صلاة الفرض ما يجزيه نافلها
والى ماتت ظنون الورد ما يمديه يسقيها

حبال الكذب لو طالت تجر اوهام حابلها
ولا شفّت ثياب السوّ تكشف عن مساويها

تخر القربه الخرقا على أكتاف شايلها
وملح البندق العوجا يثور بوجه راعيها

سواد القلب لامنه مكن في النفس واذهلها
يلعثم درب خطوتها .. ويبعدها ويشقيها

يشب اركودها فوضى ، يزعزعها ، يزلزلها
يجيب اعلى اعاليها الين اسفل مواطيها

دخيل اصدق قصايدنا دخيل اللي يكملها
يكفكف يتم دمعتها ويحضنها ويدفيها

دخيله قبل يعدمها بدون احساس يسألها
وش اللي في خواطرها .. وش اللي في أمانيها ؟

© 2024 - موقع الشعر