ذا من الشوق

يا هلا باللي غيابي ضيقه ومنه يعاني
زيد قلبي من عتابك ذا من الشوق وسعيره

لا تقول أني سليت في بعدكم غمضة ثواني
انته حتى كل دقيقه ذكرك بقلبي عبيره

ابتعادي عنك ما هو بخاطري لحظة زماني
كان ظرف وليت قلبك يشعر بظرف الأسيره

غيري لو حب وتولع قال ربي قد بلاني
لكن الحب بعروقي بلوته لوعك بغيره

وأنا احبك ثم أعزك كثر ما أنته تعز شأني
ومآبه أحساس ألا وجدك لو ألف بكل ديره

عاتب وزيد العتاب اللي يحسسني بمكاني
في عيونك وبحياتك عشت ياروحي أميره