انا اسف ..! - سلطان عتيق الحربي

اسف واكرر قولها والندم موت
واللي جهل بالحال معذور معذور

انا اشهد انك جنتي وانت تابوت
وانا الذي لو تدري تموت مقهور

مع اعترافي انت لك سحر هاروت
اقولهاا والقلب مايسمع الشور

لو اعرف اكذب .. لعيش العمر حوت
لكن انا سلطان مامثل الدور

اعيش صادق .. لو بلا شرب او قوت
الا .. عن الحق وطريقه حشا بور

فينا خصال وطيب والعز منحوت
مبدا اصيل ورث منهج ودستور

على المبادي شامخ الذكر منعوت
سود الليالي ماعزت كل مجبور

وانا عذابي ياملا ماله بخوت
ام العيون اللي تغلت على الحور

راحت كذا والهم في الصدر مكبوت
لاعذر او معنى ولا قول مشكور ؟!

قلبي مسامحها ولو تسمع الصوت
مبحوح من شوق المحبه ومدمور

ان كان له معنى ولا فاته الفوت
لاتدفن الامال واموت منحور

© 2024 - موقع الشعر