يا سيّدي عـاش راسـك

أرسل له الأمير سلطان بن عبدالعزيز هذا البيت:
الله على الصاحب المنحاش

عن ربعه الّلي يحبّونه
فرد الامير خالد الفيصل عليه يقول :

يا سيّدي عاش راسك عاش
عسَى أكثر الناس يفدونه

شيخ(ن) لكل المراجل حاش
ما يتلي الناس يتلونه

صدره بحب العرب جيّاش
تضحك ثناياه وعيونه

ومخلاب صقر(ن) إلَى من ناش
يفصل عن الهامه مُتونه

يا سيّدي ما أرغب المطراش
لولا لزوم(ن) تعرُفونه

أخاف من هرجة الأوباش
يمشون بالكذب يرمونه

ياما تمنّيت لكن ماش
أسير مع ظلّك ودونه

وما البس بدال الحرير خُياش
ومن حبّه القلب ما خونه

وإن سلم راسك برَدْت الجاش
وما فات يا شيخ يا هونه