مرحبا بالعزيمه من قوي العزيمه

لـ خليف الوهيداني، ، في غير مُحدد، آخر تحديث

مرحبا بالعزيمه من قوي العزيمه - خليف الوهيداني

مرحبا بالعزيمه من قوي العزيمه
مرحبا بالرفيق مرحبا بالعزايم

والله انك عزيز ولك معزه وشيمه
يابعد من خساره فيه ذبح التمايم

مرحبا ياولد من له مواقف قديمه
ترفع الراس وتصحي من النوم نايم

الشجاع الكريم اللي يهابه غريمه
لرموا لشجاعه والملاقى العمايم

ولاوقف بالمهمه له مهابه وقيمه
ولاذكر في فعوله بالردا والظلايم

مع رفيقه يقف لعداه لوهو خصيمه
وفي نهار الحميا مايحسب الخصايم

ماهو باللي يقودنه وراهن حريمه
في هواهن بمايريدن مفطر وصايم

كاره العيب وعلوم الردا والظليمه
وله بالمرجله والطيب حظ وقسايم

منور اللي رحل وفعول طيبه مقيمه
مارحل بالفعول الهابطه والهزايم

وانت لك مثل ماله بالفعول العظيمه
يامحصن فعولك عن فعول الهلايم

والله ان الردا مافيه خير وجريمه
وان فعله مثل فعل الخزا والجرايم

وستلم يوم ذعذعلك قصيدي نسيمه
يوم ساقت مزونه هاديات النسايم

والله وانك كبرت بعين راع الشتيمه
يوم ساقوه يمك ناقلين النمايم

ونجلا الكذب من دونك من الصدق غيمه
وبان من بيننا بالكذب والحقد حايم

والسموحه منك والله عزك يديمه
لعل عمرك ابن منور بالافراح دايم

© 2024 - موقع الشعر