الرزق

الصبح تمره جت بها نخلة الليل
...من نام عنها ماتذوّق طعمْها
الناس ماتذكرْك يا ميّت الحيل
.. ان غبت ماخلّو لك الاّ عجمْها 
اسرح وشد الخيل يافارس الخيل
..والبيت خله للهنوف وْنسمْها
والرزق بيد الله~ لاظلم ، لاميل
.. سَيّر به الدنيا لغايه رسمْها 
واللي يبي يحتال ويطفّف الكيل 
.. ماكنّه الاّ  نار تاكل فحمْها
والعمْر والفرصه/كما البنّ والهيل
.. هنيّ من جته الفرص واغتنمها
والارض لو تثمربعد عارم السيل    
.. وش يستفيد الرجْل لو ماصرمْها  
حتى الطيور لرزقها شدت الحيل
.. ماحط ربي رزقها عند فمْها..!!