عزي لمن ماشاب راسه على عز

لـ خليف الوهيداني، ، في غير مُحدد، آخر تحديث

عزي لمن ماشاب راسه على عز - خليف الوهيداني

عزي لمن ماشاب راسه على عز
وسط المشاكل والعنى شاب راسه

ومن لاحسب لحساب من لاحضر فز
وعرف صديقه وسط ربعه وناسه

لوهوملك مال(ن)ومنصب ومركز
والعلم وصل فيه لعلى دراسه

لوهو ثبت لابد من يوم يهتز
ولابد من يوم(ن)يشوف انتكاسه

حتى ولو يمشي طريقه مركز
وقوي باس(ن)ماحدن هز باسه

ومن مافعل يمناه لناس ينجز
ردي لوهو من اهل الطيب ساسه

وماعاش في دنياه مكرم معزز
لاشافت العربان فيه الخساسه

ولو رحبوبه وسطهم ويترزز
لا راح قالو فيه ماقوى النجاسه

واللي يخز بنظرت العين ينخز
وليفكه المنصب وكرس الرئياسه

واللي بوسط الناس بالهرج ينغز
هيس(ن)ربا في بيت خبث وهياسه

وخله ويلقا من بوجهه بينقز
بالوجه والا عن طريق البلاسه

والطيب لو راعيه عمره ملعوز
ولو الزمن في قشر الايام داسه

مرفوع قدره لوغصن شجرته حز
بالكذب والنمات صعب(ن)مساسه

© 2023 - موقع الشعر