عزي لمن مثلي معه ضيقته دوم - منصور الوذين المري

عزي لمن مثلي معه ضيقته دوم
هني من لاضاق ياناس غنا

ياناس خلو كل قلب معه كوم
احزان وهمومٍ من اللي شحنا

يازين مشراف العصر راس مزموم
ونسناس نود بالعصاري يجنا

لاعَل لامنه بدا راس مرجوم
يفيِض اللي بخاطره ويتغنا

خصٍ اذ بالجو براق وغيوم
وروض تبين لك على ماتمنا

يبري من الوجعان صكات وثلوم
ويسوى حديث اللي كفوفه تحنا

الطيب المنعور مايلحقن لوم
والا الردي ماعاتبه لو تجنا

حقي على الطيب وحقه علي دوم
وياحبني للقرم زبن المجنا

كل ابلجٍ طلق الحجاجين ويشوم
نبراسها لاجات منا ومنا

واطيه مثل اللي وطاني من هموم
سنة حياه مجربه في زمنا

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر