تضيق بالكلمه

لـ ، ، في عاصفة الحزم، آخر تحديث :

تضيق بالكلمه رحاب الميادين
ويخيب منهو يدّعي بالكماله
ويكسف بزوغ الكذب بين البراهين
لابان في وجه الشروق امتثاله
حقٍّ علي امتاز و اجتاز و اعين
واجرد صفوف الشعر قبل ارتجاله
ان كان ماجاني على الحق حقّين
ردِيت للحيّال شرّ احتياله
واطفي بدمّ الصدّ نار القريبين
واقول : جاهل .. بس ماهي جهاله
حذفت من جملات الاقراب تسعين
زودٍ على من لاد آله و آله
الله عطاني العقل / والشعر / والدين
والحمدلله / مالغيره جماله
من عاد سنّي لين ما عادي الحين
ابرك سنود وارتكي في معاله
اكذب على الجهّال واقول : مسكين
مسكين لانّي ماهويت الرذاله
العمر صفعه .. في وجيه الوفيّين
ولّا الردى كلّ الرخوم يهنا له
قالو : زمانك جامله طوع ويلين
قلت : الصبر يوجب عليّ احتماله
قالو : كثير اللي يقول آه ياعين
قلت : آه ياوقتٍ طويله لياله
قالو : حصادك من غريس العمر شين
قلت : الفتى من حرّ كيسه يناله
يخيب من همّه بطرد المزايين
ويعيش من لدّ الهوى باعتزاله
من صافح الدنيا بكفّ الذليلين !
مثل الذي يرجم عدوّه بماله !
واللي مطامع غايته شيخة الفين
موارثه يتلحّفوها عياله
يحطّ له في نقرة البوق قصرين
ويقول ذا من فضل راع الجلاله
يالله مانشكي عليك المغابين
نشكي عليك من الزمان اختذاله
وعلى النبيّ اعداد هب الحميمين
عليه صلّى الله وسلّم و آله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين