عيون ابوها

ياموتري لاعاد تطري مشاكلك
ماهو بوقت الغث لاتغث الاكباد

جملني الليله عسى الله يجملك
العيد هذا غير عن كل الاعياد

مد النظر واحذر تفرمل فراملك
لي غايةً في ديرة عيال عباد

مطير يوم الحرب وايامنا تلك
امجادهم فازت على كل الامجاد

ودي اعايدهم واخذ بك واحولك
على الذي من شانها العيد ينعاد

هذي (جنى) كل الغلا تملكه ملك
وبعيون ابوها زادت الشوق وازداد

ولاتلومني ياموتري لو ازعلك
لعيونها لو تطلب الروح تنقاد