ابوها واخوها - مزعل الشمري

يامرحبا بالدوسري مابها زيف
ترحيبه تسوى البشر كل ابوها

حريف صنديد وبالشعر حريف
دنياك ياذيب الفيافي نسوها

ناس على فعل المكارم مكااليف
ياما مشو فيها وناس اتركوها

ياذيب انا اتعبني شتا الوقت والصيف
امشي وادور حاجتي ومفهموها

انت الكرم والعز ربعك معاريف
احرار والدنيا خذوها عطوها

من طيبهم ترحيبهم لا لفى الضيف
جزلين لامن العطا هم عطوها

يالقرم فيك من الكرامه مناصيف
واصل الشهامه فيك هم شاهدوها

عسي الردي يفداك واللي ملاقيف
حيثك من ارجالن الحاها اكرموها

يالنادر الوافي مثل حده السيف
ابيات شعري كلهم ماسمعوها

الفتلك من داخل الفكر تاليف
وبنات فكري صاينه مالقوها

لو قلت شرفت الشعر انت تشريف
لوقلت طيب انت ابوها واخوها

واختامها مني سلامن بتكليف
سلام وافي قلتها صدقوها

© 2024 - موقع الشعر