صوت وصدى15

صوت:رشيد الخليفه:
لو خيّروني فنا ودّي ولا ودّي

ودّي بودّه واخاف اندم على ودّه
اعطيه قلبي وهو ماعطاني الردّي

يلعب بقلبي ويفضح للملا سدّه
امشي معه مدري الّا مصبح ضدّي

يلعب بقلبي وانا في ساعة الشدّه
اخاف غضّ النّهد للحقّ مايدّي

واخاف حبّه عبث ماهوب من جدّه
حجزتها دمعة مابلّلت خدّي

وكنّيتها عبرة بالصّدر مرتدّه
صدى:زيد محمد:

هل انت مزّاح ولاّ تقول من جدّي
مانفهم الرّجل لين يقول من ردّه

لابد لو خيّروك اخترت لابدّي
واللّي يعرف السّنع يختار من بدّه

لكن "لو"ماتفيد و"ليت"ماتودّي
ومثلك يجب مايبيح للملا سدّه

عزّي لمن في الرّجا يتأمل الغدّي
في حبّ غيداء هنوف جدّها جدّه

لامن ذكرها وحسّ الهجر والصدّي
راحت علومه بمعنى هاته وودّه