لا صرت ي الجابان - ماجد العضياني

لا صرت يا الجابان ما انته بمسؤول
اليا نشدتك فا اعتبرها لقافه ..

لا فعالك الشينه يا شينان مدلول ..
قلبك هذا يحتاج عامل نظافه ..

اللي يشوفك يحسبنك ابا الهول ..
واللي يعامل وجه مثلك يعافه ..

لا تتقي بالطيب والراس مغسول
لا بارك الله في يدين الضعافه

ان جيتنا حامل ولن رحت محمول
ومن الردى بطنك كلت معه الآفه

تنفش في ساعه وتنفخ على طول
ومن حابل لنابل لساعي صحافه ..

بعت الشرف والمرجلة في صحن فول
واخذت ف دروب النذالة وصافه ..

لو كنت راعي شون ما فاتك الدول
يا تابع الحرمة وطتك المخافه ..

ويا تابع انذال العرب جتك زهمول
ماعاد لك من بادع القول رآفه

طاوعت شور العمي والعور والحول
و ما فالكتاب يوضحه لك غلافه ..!

ودك تسابق راعي الفعل والقول ..
لكن بعد الشمس عانك خلافه ..

بيني و بينك حد و سيوف و خيول
و قصرٍ بنيته مثل قصر الرصافه ..

ما يدهله ياكود شيخان و زحول ..
روس العرب والا عيال الخلافه ..

انته ضرنبولٍ تولج ضرنبول ..
لو طال راسك مثل راس الزرافه ..

© 2024 - موقع الشعر