ساعات - سعد الشقحاء

ساعات ترغمني على حبس الانفاس
اضيق والقى النفس صعبن رضاها

تبي من الدنيا ولكن لاباس
يا كثر من له حاجةٍ ما قضاها

كم ضايقن من شدت الوقت منحاس
عجلن على الدنيا يبي من هواها

بيترك الدنيا ويرحل عن الناس
ويرتاح من هم الحياه وغثاها

لكن اشوفه للاسف معدم احساس
لاهي ونفسه ماشيه في عماها

لاجاه طاري الموت ما سج هوجاس
وقال الحياه الفانيه وش وراها

القبر عقب العز يا صاحي الراس
و النفس بعد الموت وش منتهاها

اما لها في جنة الخلد نبراس
والا بنار(ن) ما تحمل سناها

والعبد له في محكم الذكر مقياس
ومن يتبع اللذات يحصد شقاها

© 2023 - موقع الشعر