الله مــن نفـسـن جــزت مــن عنـاهـا - خليف الوهيداني

الله من نفس(ن) جزت من عناها
وهموم وقت(ن)تندبل القبل الليل

نفس(ن) ترجا لين خيب رجاها
وزرع(ن) زرعته مات قبل المحاصيل

وبامصورين الكذب ربي بلاها
اللي يدقلهم ابليس المواويل

عزي لمن مثلي حياته قضاها
باديون وهموم وعذاب وغرابيل

ويتبع هوا نفسن تعثر مناها
نفسن تخيل ولاتحقق ماخاييل

وضاقت به الارض الوسيع وفضاها
وصعب خروجه مع وساع المداخيل

وليا بغاله حاجت(ن)مالقاها
صارت عليه ابعد من الجدي وسهيل

© 2023 - موقع الشعر