مــن غــيــرهــا

أن شكيت أشكي ولابه من يروف
من يروف بحال متعبّه الحفا

أكره أيام التعاسه والظروف
وتفأل خير في وقت الصفا

ترفض عيوني نظرها مايشوف
غير من هو كان لي رمز الوفا

القمر عنده حشى صاير كسوف
ياحلاة النظرة اللي لي شفا

من جماله صفقوا له بالكفوف
ياعشيرٍ راح عن عيني أختفا

يشهد الله ساكنٍ في وسط جوف
ومن تسلّل تدحره كلمة أفا

غيرها من غيرها لا يالهنوف
ياشعاعٍ في حياتي ما طفا

قربّها منّي يشتّت كل خوف
وبعدها عنّي مسبّب لي الجفا

كل معنى الحب تحكيه الحروف
وحبها بالحرف في جوفي لفا