اروى

لـ حميدي الثقفي، ، في غير مُحدد

اروى - حميدي الثقفي

اروى .. وانا جرحي ثمل طين وتراب
قاع ٍ خطب ود الغيوم ونفاها

اروى . وتكسر ضحكتي دمعة اسباب
وكم فرحة بعت بكدرها صفاها

تبعثرت في ذاكرة صيف كذاب
ادركت باديها ولذت بجفاها

كلي رجا .. ومنادمة ليل وعتاب
وجروح تركض عكس نقطة شفاها

اغمّض عيوني على برد الاهداب
واتذكر احضان امنحتني دفاها

والليل درويش ٍ حمل رفض الابواب
خبل ٍ شرب زيت الشموع وطفاها

وانا على جال السهر ظل وكتاب
احاول استرجع لاولى جفاها

© 2022 - موقع الشعر