يعزينا الامل

يطول الليل في عيوني وعيني ماغشاها نوم !
.. اقلب في رسايلنا على ذكرى امانينا !

تكحل عيني الدمعه ويدمي قلبي المشؤوم !
.. سوالفنا .. امانينا .. مدامعنا .. اغانينا !

اشوف في شاشة الجوال سوالف حبنا المظلوم !
.. تعاهدنا على حب(ن) يدوم آآوآه اثارينا !!

نسينا بان مابه شي في دنيا الفناء ,, يدوم
.. وهالدنيا : مفارق وارتحال وغيبة وممينا !

يطول الليل واحزاني , ملامح وجهي المهموم
.. تفاصيلي , عناويني , بقايا من خطاوينا !

انادي لك ويكسر صوتي المبحوح لك " مقسوم " !
.. واغض الطرف عن رجعتك ,, واستغفر وانادينا !

بكيت من الحزن غيمه ,, ودربي كل ابوه غيوم
.. صفعني الحزن من فرقاك واطرافه ايادينا !

بكى رجلن : عنيد الراس , ساس وباس, يدك خشوم
.. وانا ما ابكي ضعف لكن بكيت احلام ماضينا !

يعزينا الامل سنتين ضاعو في متاهة يوم
.. وكل عهودنا بان الفراق ابعد " تعزينا " !

طعنت القلب بفراقك ورمحك ي العنا مسموم
.. عسا ربي يسامح صاحب الطعنه وينجينا !

أسامج لجل ماشوفك بيومن تجتمع لخصوم
.. اخاف اليا تجمّعنا .. أضمك لا تلاقينا !