راحت عزاوي ..

لا والله الا راحت ضمايرهم عزاوي
ب ليلة العيد ليت ما جيت ولا جاني

رحم الله شايبٍ رحل معتلي الهقاوي
مجلسه مكرم ضيفه وعلومه سماني

ما يميز الطيور غير الحر النداوي
وصايفه تراها كما طير حوراني

شان وجه الزمان كثرت له بلاوي
الصاحب الغدار بالمخادع عماني

ماسلمت طعناته ولا سلم لدعاوي
الحاقدين حولي و السيوف تحماني

الجاحد جنب طريقه و لا تخاوي
الا الجزل يكرم العربان مجاني

سج القدم لا كثرت عليك الخطاوي
يموت الكفو و لا يطلب له عاني

ليت بعض الحَيْلٌ تكشفها الغطاوي
وقت المعرفه لا يتلى ولا ينصاني

مافاد الصفوف غير شل الغناوي
ما فادها غير جر طواريق بمعاني

اهل النمايم ماردها كثر الحكاوي
احمدالله مالي لهم مجلاس ومكاني

شد رحيل البدو وعودت رجاوي
لديارهم شدوا يوم للموادع حاني

لا عادت الدنيا العمر وش يساوي
الرحله تبدا و من ثم عمرك فاني

سيره لها عام في سماي ضاوي
اسم شاع براقه و قرته الاعياني

خذتني القصايد لبراقها السماوي
رسمت الحروف ولسموها تباني