القاف الصعب

لـ نوره القحطاني، ، في غير مُحدد، آخر تحديث

القاف الصعب - نوره القحطاني

ماجهلت القاف ولا جهلت صايغينه
استحقرت كسور الابيات ومعانيها

تقهويت الشعر بالكيف و عارفينه
قصايدي اللي ترفع صمايل مباديها

القاف الصعب واللي مستصعبيه
اكثر الشعار بالساحه صار قاضيها

همس القصيد رغم معانيها الدفينه
تبني بيوت مشيدة حروف قوافيها

ومن لا مني جعل العود في عينه
هل الغيره لا جاتهم ابياتي تنميها

ياشموخي الا الردي لا تعذرينه
الناس قدرها بالطيب وانا اشتريها

مايفيد مجاملهم والملام اني فطينه
البلا ما هو المجامل البلا راعيها

بعض البشر عندي اشجار زينه
مابها حياة و لا روح طيبه تغذيها

شكرا لكل من قدم طيبه ب يمينه
وعفوا يامن ينقد الشعر واعلاميها

ان اودعت القاف لا يدي امينه
لقيت افكاري بصمات بيد حراميها

لا جيت ابشتكي لراس المدينه
قالوا وش حدك للقاف و بلاويها

قلت شاعره لي بحور و سفينه
ومن ثم عجزعنها اكبر محاميها

© 2024 - موقع الشعر