( ما مات سامي ) ..

كل مانويت انسى وذكرتني فيه
........ يضيق صدري وتراجف عظامي

لو مات سامي وأندفن حي طاريه
........ والله يا مرزوق ( ما مات سامي )

إذا تحب اخوي سامي ، وتغليه
........ ادعي وخلك في حياتك نظامي

اقل شي اليوم .. نقدر نسويه
........ ندعي لخونا عند رب الانامي

لازم مثل ماكان وافي نوفيه
........ هذا كلامي وأنت راجع كلامي

ادعي عسى ربي وربك ينجيه
........ وضحك مثل ضحكي معك وابتسامي

اللي يجي من ربي الله يحييه
........ أنا على الدنيا واهلها سلامي

لو الحزن ينفع من الحزن نبكيه
........ انسى الحزن واهتم مثل اهتمامي

الموت حق وكل مخلوق بيجيه
........ الموت للمخلوق جايع وضامي