معوض خير ياصدر (ن)

معوض خير يا صدرٍ يكن من السطور كتاب
‎كتابٍ ورّثه جدي … على " هداج " مدراره
 
على الله ياالهجوس اللي غدت في خافقي محراب
‎أقوم أبها الليال السود … في قيفان ثرثاره
 
على الله كم كتبت وكم محيت ولا صفى مشراب
‎قصيدي ظاق به صدره … بعدما طال مشواره
 
على الله يا الزمان اللي … غدى للملتعن غلّاب
‎رجع فيها (الصقر) مغلوب يشكي خيبة اسفاره
 
يمد الوافيه دايم … ولا يحصد يكود اتعاب
‎وفاه بهالزمن … ما تستحقه ناس بوّاره
 
عيون اهل الرضا ملّت … وبكتب فالزمان عتاب
‎بلوم الوقت والمقصود … منك وفيك يا جاره
 
اشوف البوم بعيوني … يزاحمني على المرقاب
‎بعد ما برقعوه اهله … يهدْ وزاد مقداره
 
يحسبنّه من طيورن حرارٍ … جالها مخلاب
‎نسا انه من حمام البيت … ما يشبعه منقاره
 
زمانن مختلف لونه … تساوت روس بالاذناب
‎زمانن ما يعدّ الرجل … لا من قل ديناره
 
اكنْ الحمد للخالق … ومثلي ما نقفل له باب
‎ولاني شايلن همه … ولاني حامل اوزاره
 
يشيخ الصبر في عيني وانا ماني بمن يرتاب
‎بدندن من على جرحي … وبطرب فوق قيثاره
 
يقولون الرجال عزوم … لامن كثرت الاسباب
‎وانا عزمي يقلّ الضلع … في سره وفجهاره
 
تحيزم وحتزم بالله … كريمٍ شرّع الابواب
‎نفوسن تتجه يمه … ترى ماهي بمحتاره.
 
#فهد_المنصوري