الشاعر

يا ها لسما..وين اتجاه السحابة؟
أكيد للناس الغلابى المساكين!!
 
والأرض هذي اصبحت مثل غابة..
مافي مواطن ما يعاني من الدين
 
والشاعر اللي زاد فيه اغترابه
قالوا : تغزل بالبنات المزايين
 
يضيع عمره مادرى عن شبابه
يلقى وظيفه في ديار المجانين
 
هذي حدودك في الغزل والصبابة
تصير شاعر معجباتك ملايين!!
 
ولا تعلم كيف تعزف ربابة..
أو صير مداح ِ لكل السلاطين!!
 
وان خانك التعبير وقت الكتابة..
يصبح مصيرك من مصير المساجين