بالعون منيف قاله لي - حميدان الشويعر

بالعون منيف قاله لي
يقول غلاك يوم انت صبي

وكذبن منيف في قوله
وتبين لي ما كان غبي

ترى الشايب عند عياله
وام عياله مثل العزبي

كلوا فييده وعافوه
عقب التمسك بسببي

لو يطلبهم ردة لقمه
قالوا محلي وش ذا الصلبي

احفظ مالك تجي غالي
حتى يلاقونك بالعتبي

حتى ام عيالي زهدت بي
نسيت جميلي وطربي

منول تقول لي لبيه
وهالحين تقول لي وش تبي

فقدت مني شي ما يطرا
على بهومي ومر على ركبي

يوم ان فييدي مثل الشحوط
واليوم عود.......

لو هو يشرا كان اشريه
وارخص به مالي وذهبي

وراسي وعظامي توجعني
وظهيري من حد حقبي

وهجوسي تسري بالليل
خوف من موت بطلبي

صدرت وكويت العده
ويعقبني من كان يبي

الدنيا عامرها دامر
ما فيها خير يا عربي

© 2024 - موقع الشعر