يا الله تغفر لي ولا تبلاني = قاله ابن حمري وانا بقوله - عبدالله الوهابي

الشاعر اللي يقدح القيفاني
من هاجسه و اللي يجود بقوله

يا الله يا معبود يا رحماني
تصلح لساني لا بديت الجوله

في خاطري هرج و قاف ثاني
الله يعزك يا ملك و الدوله

كلن لا جا يوم الوطن له شاني
و انا بقافي قلت شيئا هوله

من حد عرعر لا ورى نجراني
حد السعودية مهي مخذوله

في ظل حكاما طوال ايماني
فخر المجره عرض ولا طوله

يا خادم البيتين يا شاماني
ما كنك الا سلة مسلوله

اعرفك الى من ثور الدخاني
تكحل عيون اللي يمينه شوله

يا الله تغفر لي ولا تبلاني
قاله ابن حمري و انا بقوله

يقولها عبدالله القحطاني
الله يعزك يا ملك و الدوله

© 2024 - موقع الشعر