لاوالله الي صار بالوضع تعقيد
والعسكريه صعبوها زياده
طول علينا الوقت مندون تحديد
بين الفصول وبين مبنا القياده
مانرفع الاصوات دايم مجاليد
والظاهر انه صار فينابلاده
واشيب عيني لو يجي فيه تمديد
من قايدالمركز لنا بعتماده
بالدوره الي سرمدوها سراميد
صارت علينا مثل فرض العباده
العام اخذناها قبل موسم العيد
حتى دخل فصل الربيع وبراده
الي نزيله جمد القلب تجميد
في وسط ميدانا سوات الحماده
بعد صلاة الفجر مع شار وسعيد
وابن بديع مخلصنا بجتهاده
لو ما نغني فالصباح الاناشيد
كتب علينا ثقل دم ومراده
هرجا بلا معنى امرار وتراديد
لو مامنه مصلوح حطوه عاده
مع دربنا نقفي ونقبل عراجيد
كلا يدربنا ويعمل سياده
اوامرا فيها تعسف وتنكيد
ياكثر حب انفوسهم لنكاده
شبو علينا حا ميات المواقيد
لين انتها كثر الصبر والجلاده
مجموعتة(ن)ماعندهم غير تهديد
وخصم درجات وتعهد وفاده
والاكلاما يجرح القلب ويزيد
من واحدا مايعرف الا العناده
سوات من يرمي على غير تسديد
ما همه الا كيف يضغط زناده
ولله للا خوت رجالا صناديد
اني لسيبها وكب الشهاده
وان رحت منها ما عليه مناقيد
يوما من ايام الفرح والسعاده
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.