بـعـدراح نـصـف اللـيـل

بعدراح نصف الليل وادوابي الهوجاس
هواجيس قلب(ن)مايخلي هناديبه

خذيت القلم وادويت بالحبر في القرطاس
نحوشاعر(ن)ماقط جتني مكاتيبه

لكني نويت اخذ معه بالوفا مرواس
وابرسل سلامي له وابسمع تراحيبه

سلامي سلام الطيب لمحمد العباس
رفيع المقام وكامل الطيب يحريبه

حفيد الرجال اللي لهم بالوفا نبراس
هل المرجله مافيه شك(ن)ولاريبه

الاد الطريفي في نحور العداء لولاس
ولي الفخرفي درع جنبي واماريبه

من اهل الكرم والسيف والدرع واهل الطاس
محاميدبالميقاف كل(ن) ظهر طيبه

واناربعي الريحات لادنت الاجراس
ياكم من خصيم(ن)كدروله مشاريبه

قسم من بني وازع هل الطيب والنوماس
على صفحة التاريخ والكل يدريبه

وحنا البقوم وفرعنا مرجعه لساس
بني عم مافينا لفيقه وتركيبه

ظهور السواني لابتي يرفعون الراس
الياجاء النهار اللي تلاحق مشاهيبه

زحول(ن)تدوس الرآي من قبل لاينداس
لهم يشهدالتاريخ بالعز والهيبه

بلاتفرقه والعنصريه من الانجاس
هل الكذب والتزوير والغش والغيبه

عسى من يفرق بيننا كاتم الانفاس
يحده زمانه لين تقرب محاضيبه

وانا اوجزت في ماقلت والبحرماينقاس
تلاطم به الامواج والسفن ترسيبه

وابرجع لبوتركي عسى مايجيه الباس
مجرب وانا ابغا الفايده من تجاريبه

سمعته حضرفي الامسيه بين جمع الناس
يقول القصيد وهاضني زين ترتيبه

يصوغ المعاني مثل صوغ الذهب والماس
لياحاف شطر القاف زانت تواديبه

نويت انشده واقول يامبعد الارماس
لعلك تبشرني بحل(ن)تجينيبه

فاداك الغشيم اللي كلامه على الاوهاس
يعذرب بخلق الله وينسى عذاريبه

مادام ان الك في قمة المعرفه مجلاس
مع اللي بنى بيته وثبت مناسيبه

انايالطريفي شفت شعر النبط منحاس
احدقام يقبلبه واحدقام يقفيبه

تكالب عليه افواج من كل جنس اجناس
سوات الغدير اللي تطافح دغاليبه

احدمقصده شهره واحد مقصده بلحاس
وكل(ن) تبين من كلامه واساليبه

واحديعتني في الشعر بالمتر والهنداس
الياحركه جوف الظمير ومحاديبه

واناياوسيع المعرفه خاطري حساس
وعلم(ن)يغث البال ماني براضيبه

وشره على اللي يخلطون الذهب بنحاس
زمان المجامل يالله انك توليبه

لكن انت ويش تقول يالسابح الغطاس
الياقلتلك شعر النبط من توصيبه

تسرع وعجل بالخبر في وكالة واس
ترى اللي سواتك مانكذب مناديبه

وصلو على المختارماذعذع النسناس
عليه الصلاة بكل فرض(ن)نصليبه