لذة هبالي

لـ نظر بنت فواز، ، في غير مُحدد، آخر تحديث

لذة هبالي - نظر بنت فواز

والله فلاعندي من الناس يسواك
ياروح روحي يابعد حي حالي

اشتاق لك وابيك واغليك واهواك
وحبك على قلبي معسِّل وحالي

والعمر لك يااجمل العمر يفداك
معاك عمري زان فيك وصفالي

ازْعِل جميع الناس والله لرضاك
وارْخِص عشانك كل ماكان غالي

وابيك انا لحالك وقلبي يتمناك
ومابي بدالك لو تمنى بدالي

اموت من فرقاك واحيا بلقياك
واذوب لو تاقف دقيقه قبالي

مشغوف قلبي فيك مغروم وياك
مدري وش اللي ياحبيبي جرالي

وكلي احبك والغلا لك ولولاك
ماقلت عذبات القصيد الزلالي

سبحان من سواك آيه وخلاك
تسكن وريدي شوق وآعزتالي

يافرحة الدنيا على بسمة شفاك
ياضحكة سنيني ولذة هبالي

© 2024 - موقع الشعر